بوینووی دارتیب وئریسن سس سسه
آغزون آچیقدیر یومولوبدور گوزون
هر فش ائشیتجک اولوسان وسوسه
ثابت اولور ائش..... اوزون سن اوزون

اولماسا تورک سویله نئیون وارسنون
تک یاشاسیدون یوخودی بیر گونون
ایندی دیدیلمیشدی هاچاندی یونون
یاخجیلیغی گورمه، کوراولسون گوزون

سئومه سه هرکیمسه وطنداشینی
بیلمه سه قدرین اگه قارداشینی
ساخلیابیلمز داها اوز باشینی
آرخووی تورک آلماسا بوشدور دیزون

دوستووی یاددان آیرا بیلمه دون
قارداش اولوب گوزیاشیمی سیلمه دون
من اوجادوتدوم سنی اسگیلمه دون
وار نئیه بیلمم من ایچون پیس یوزون

بیردفه وئرمیشدی جاواب شهریار
عاقل اولان سوز ائشیدر درس آلار
باشا سالا بیلمئدی چون روزگار
(شیدا) دئمیشگن پس اوزون سن، اوزون  

این بند را نیز عزیز شاعری افزودند 

 

نوع بشر غیر آغیزدان یئمز
جهل جوانی دی بو ، عیب ایلمز
عقلی اولان بیر بئله سوز هیچ دئمز
عفو ائله شیدا کی قیزیل دی سوزون